由劈酒至愛酒 林慧美

日本旅遊及文化專欄作家

跟林慧美第一次相識是在朋友間的劈酒露營活動,明明是唎酒師,卻跟我們劈酒,而且至早上,至沒酒了,方才捨得去睡。林慧美,非單單看名銜這般簡單。

這一天,邊飲邊訪問,「以前在加拿大讀書,一直都係劈啤酒,直至 19-20歲,返香港放假嘅時候,跟朋友去食好平果啲任食日本料理,咁啱有任飲放題,先第一次接觸日本酒,當時只覺得,無氣嘅,甜甜哋,味道都 ok 啦。」飲多幾杯,生好感,但礙於身份,日本酒對於少女林慧美來說,大家距離太遠了。「果時仲係o靚妹,日本酒係一件好貴嘅嘢,亦只得港島日本百貨公司有日本酒賣,對家住九龍嘅我,非常有難度。」
即使在日本讀書的日子,酒舖正正開在林慧美家對面,她依然飲日本啤酒為主,「當時日本人未流行燒酎、日本酒,加上日本酒咁大支,一個人飲唔到幾多。」日本酒還未成為第一位,只佔人生 20%。

戀酒四部

林慧美跟日本酒的交往,循步漸進,分成四階段,「一開始接觸嘅係本釀造,價錢平之餘,飲落去果種粗豪感,好有日本酒嘅感覺,後來就即刻跳至極端,學人飲純米大吟釀,佢哋質地好滑,同樣日本酒,個性可以好唔同」,亦拜純米大吟釀的價錢,林慧美飲得含蓄了,少劈酒了。「2009 年時識咗兩班鍾意飲日本酒嘅日本朋友,佢哋介紹飲純米酒,『識飲日本酒嘅人就係飲純米,飲純米大吟釀嘅只係睇價錢』嘅印象,而且純米嘅米香,好吸引我呢啲飯桶」。
直至兩年前,遇上生酛,對日本酒的愛終於穩定下來,「我飲酒年資長,喜好濃味,生酛果種濃味、強風格好啱我。」
定情於生酛,最愛的酒造亦是只出產生酛的「大七」,專誠去酒造見學,研習甚麼過程、材料等等,去做就酒造的風格。「學咩叫超扁平精米,呢項係大七自己研製嘅精米方法,佢哋有認真去分析米形,速度、效果,每次去一間酒造,就好似上咗一堂課。唎酒師牌只係一個門檻,知識而非經驗。」成為唎酒師牌後,林慧美更積極到酒造見學,希望學到的,寫成文章,令日本酒普及。

推廣日本酒

香港的日本文化中,日本酒從未當過正選,「香港人去日本旅行咁多年,買日本嘢咁多年,到而家有咁多間日本菜餐廳,日本酒仍然未成文化,有人去飲虛榮感嘅貴酒,有人去飲任好 cheap 嘅本釀造,但呢兩種人都無去花腦汁研究日本酒」,雖然如此,林慧美深信日本酒有其價值,努力地去寫給廣大讀者,亦身體力行去買去飲,「每次我都會帶日本酒參加 home party,即使紅酒酒局,我一出日本酒,大家都會放低杯紅酒,轉飲日本酒,如果嚟到我屋企,仲不得了,佢哋會幫我清倉。」
林慧美多年以來,在不同媒體的專欄、訪問中介紹日本酒,努力地培育日本酒,相信終有一天,日本酒如她所願,成為萬人迷,迷倒一眾港人。

清酒女子〜三位美女暢談XX

在2016年酒藩拍攝了以清酒主題的微電影《清酒女子》在網上公開。由日本人主理的專業酒吧,和得幾位清酒界有深厚關係男女演出。林慧美在片中飾演了三位女主角之一。

演員:林慧美/ 泊淇 / 陳桌伶 / 李天彥
編劇:鮑偉聰
策劃:草草一刀
出品人:bada bing digital solutions(巴打兵)

Writer : 出酒女漢子

Photographer : Lam

Please Login to Comment.

CAPTCHA